Platt-Klöön-Avend in Leezdörp

Leev Plattfrünnen,

dat is maal weer Kersttied (Wiehnachtstied), daar hebben wi för uns Klöön-Avend meest keen Thema van uns Umwelt, man wi willen mooi Wiehnachtsvertellsels vördragen un vördragen laten. De oll "Klassikers" bünt ja meest good bekennt, alltied weer mooi to hören, man wi willen ja ok maal annern kennen lehren. So hebben wi faak ok Staalkes ut anner Kuntreien in uns oostfreeske Platt overdragen. Welken ut Sleswig-Hollsteen, Hambörg of Mekelnbörg of annerwaarens. De Wiehnachtsgeschichten hebben dat so an sük, dat se mennigmaal wat "sentimentaal" bünt, welken, bi de man smüstern mutt, komen meest beter an.

Ik hoop, dat wi eenigen tostann kriegen, troot Jo driest, ok wenn Ji daarbi trillern mutten, un ok wenn dat neet jüst in uns oostfreeske Platt is. Bi de lecker Tee un  Kook/Kookjes, de uns de Damen un Heeren van de Heemaatvereen Leez elksmaal torechtmaken, word dat denn heel kommodig un lett uns disse Verwachtenstied (Adventstied) mit open Hart begröten.

Wi willen uns bemöten an Freedag, de 01.12.2023, Klock 19,oo Ühr in de Boo van de Leezder Möhlen, to Enn geiht dat sowat um 21,oo Ühr. Un, dat versteiht sük vansülmst, wieldat de Intree nix kösten deit, geven wi ´n (freewillig) Gaav an de Vereen Leez.

All de, de ut verskeeden Ursaaken neet komen könen, wünsken wi een mooi Dezembertied un een good Fahrt in  een neei Jahr. Dat eerst Maal in Janewaar 24 is denn Freedag de 05.01. mit dat Thema "Dat Saterland".

Jo Adolf Sanders