Platt-Klöön-Avend in Leez van Oostfreeske Taal

Leev Plattfrünnen,

dat is al weer sowied, token Freedag, de 02.Feverwaar 2024, Klock 19,00 Ühr (hento sowat 21,oo h) is weer ´n Platt-Klöön in Leez in de Boo van de Leezder Möhlen. Wi willen proten over "Oostfreeske Karken", wo se tostann komen bünt, wo dat all anfangen hett, waar se henkomen bünt, ut welke Materiaal se maakt worden bünt usw.. Dat hett all anfangen mit Holtkarken, dann bünt Steenkarken in Gang komen, Flinten van de Iestieden bünt torechthauen worden, man hett Tuffsteen van de Eifel over Water komen laten un later hett man Backsteenen nomen, de hier backen worden bünt.

Ok binnen hett sük de Saak entwickelt, de Utstaffeerens weeren neet blot för de Gloov daar, ok de Schuul tegen Water un Orloog hett ´n groot Rull spöölt. Un wo kunn man de in Nood raakte Lü versörgen. Mennigmaal sünd ollerde Karken döör nejen ersett worden - un wat is bit hento vandaag daarvan overbleven? So bünt to ´n Bispill all de 29 Klosterkarken daalreten worden un neei Glovengemeenschuppen hebben Rümten inricht, so as se dat bruken kunnen. De unnergahn Karken leven deelwies in Sagen un Legenden wieder. Daar gifft dat wiss mennigwat to vertellen.

So as alltied deit dat nix kösten, wi willen blot ´n Spenn för de Heemaatvereen Leez ingadern, de uns elksmaal mit so lecker Tee un Geback versörgen deit, de uns de warm Ruum to Verfögen stellt un dat alltied alls so mooi andeenen deit.

Hento Freedag

Jo Adolf Sanders