wi willen uns noch eenmaal in disse Jahr bemöten. Dat sall wesen an de 06. Dezember 2024 - Klock 19:00 Ühr (hento sowat 21:00 Ühr) in de Boo van de Leezder Möhlen. Wi willen Wilhelmine Siefkes to Woord komen laten. Se hett leevt van 1890 hento 1984 un weer Mesterske in Jemgum (wi seggten as Kinner Jippjapp daaran) un Leer dann wurr hör verboden, wiederhen to unnerrichten, as dat bruun Pack dat Seggen harr, wieldat se neet mit de-en unliek weer.
Wilhelmine hör bedüdenst Wark is de Roman "Keerlke" worden, de se unner ´n anner Naam in de Nazitied drucken laten kunn. Daarna is ok de Vergaav benömd, för de, de fix wat för Plattdüüts daan hebben, un de all Jahr een uttekend. Dit Jahr was dat Frank Jacobs, de de Pries kregen hett. He stammt van Nörden un maakt sük as Jounalist upstünds ´n Naam för sien Platt-Bidragen för Radio Bremen un NDR 3.
Christian Eisbein, de ok maal ´n Sett in Nörden leevt hett, hett ´n Offbild van Keerlke levert, de steiht achter dat Raadhuus van Leer. Dat köönt wi neet heel vördragen, man viellicht kriegen wi ´n lüttje Inkiek daarvan tostann.
Froo Siekes hett in Hoog un Platt warkt, in een wunnerbaar Platt mutt man seggen. Se hett ok anner Romans schreven, man wi willen mehr up hör Vertellsels daalgahn, de in hör Bookje "Van lüttje un groot Knevels" instahn un in en anner Bookje "Tant Reemda in Tirol". Ok ´n heel Bült Riemsels hett se tostann brocht, se hett plattdüüts Märkens un Saagen sammelt. Se hett plattdüütse Theaterspillen upsett, de meest all in Leer up Bühn brocht worden sünd un se hett Oversettens van Hoog in Platt un van Nederlands un Westfreesk in uns Spraak overdragen. Ik kunn noch ´n heel Bült mehr uptellen.
Brengen Se ok sülmst welken mit of laten se sük overrassen, ´t lohnt sük.
As alltied is de Avend för elk un een open, kösten deit dat nix, wi gadern blot ´n Spend för de gastgevend Heemaatvereen Leez, de uns alltied so mooi Tee maken un wat för uns to Bieten hebben.
Wilhelmine hör bedüdenst Wark is de Roman "Keerlke" worden, de se unner ´n anner Naam in de Nazitied drucken laten kunn. Daarna is ok de Vergaav benömd, för de, de fix wat för Plattdüüts daan hebben, un de all Jahr een uttekend. Dit Jahr was dat Frank Jacobs, de de Pries kregen hett. He stammt van Nörden un maakt sük as Jounalist upstünds ´n Naam för sien Platt-Bidragen för Radio Bremen un NDR 3.
Christian Eisbein, de ok maal ´n Sett in Nörden leevt hett, hett ´n Offbild van Keerlke levert, de steiht achter dat Raadhuus van Leer. Dat köönt wi neet heel vördragen, man viellicht kriegen wi ´n lüttje Inkiek daarvan tostann.
Froo Siekes hett in Hoog un Platt warkt, in een wunnerbaar Platt mutt man seggen. Se hett ok anner Romans schreven, man wi willen mehr up hör Vertellsels daalgahn, de in hör Bookje "Van lüttje un groot Knevels" instahn un in en anner Bookje "Tant Reemda in Tirol". Ok ´n heel Bült Riemsels hett se tostann brocht, se hett plattdüüts Märkens un Saagen sammelt. Se hett plattdüütse Theaterspillen upsett, de meest all in Leer up Bühn brocht worden sünd un se hett Oversettens van Hoog in Platt un van Nederlands un Westfreesk in uns Spraak overdragen. Ik kunn noch ´n heel Bült mehr uptellen.
Brengen Se ok sülmst welken mit of laten se sük overrassen, ´t lohnt sük.
As alltied is de Avend för elk un een open, kösten deit dat nix, wi gadern blot ´n Spend för de gastgevend Heemaatvereen Leez, de uns alltied so mooi Tee maken un wat för uns to Bieten hebben.
Würr mi blied maken, wenn sük vööl up Padd na de Leezder Möhlen maken, ik weet, Drockde is jüst in disse Tied alltied düchtig.
Hento Freedag,
Jo Adolf Sanders mit dat Plattdüütsklottje van de Heemaatvereen Nörden
Jo Adolf Sanders mit dat Plattdüütsklottje van de Heemaatvereen Nörden
Keine Kommentare:
Kommentar veröffentlichen