Platt-Klöön-Abend in Leezdorf

Leev Kulantjes,
is al weer een Maand rum, de token Platt-Klöön-Avend is Freedag, de 05.07.2024 - Klock 19 Ühr (hento sowat 21 h) in de Boo van de Leezder Möhlen.
Dat Rebett is "Besünner Mesters, Scholen un Pestoren in Oostfreesland". Gifft ´n heel Bült, de sük ok noch anners uttenkend hebben, dat kann in dat Soziale liggen (t.Bsp. LEINER [Leiner-Stiftung]), in dat Literariske (t. Bsp Wilhelmine SIEFKES), in de Wetenschupp (t.Bsp Rudolf EUCKEN, Otto LEEGE, Jan van-DIEKEN), in de Politik (t.Bsp Pestoor IMMER, Kaplaan Hermann LANGE), usw., dat könen ok "besünner" Mesters/Pestoren wesen, de wi sülmst hat hebben un de besünner Macken hat hebben. Daar wacht ik up Höör Vertellsels. Ok de School, wo se in Oostfreesland upkomen is un well sük daar ´n Naam maakt hett, sall beproot worden (t.Bsp Peter Friedr. CONERUS, Harm WIEMANN). Wi mutten daar neet jüst druckriepe Levensbiller levern, de Plesär daaran sall neet to kört komen. Ok de Ökelnamen, de vööl Mesters un Pastoren hat hebben, sünd dat weert, maal weer upröpen to worden (t. Bsp Mester KNITTERSLAGG).

As alltied deit dat nix kösten, wi gadern blot ´n Spend för de gastgevend Heemaatvereen Leez, de uns elksmaal so mooi verwennen deit.

Mit beste Gröten
Höör Adolf Sanders