Stammtisch des Oostfreeske Taal

Leev Plattfrünnen,

disse Janewaarmaant is so gau verswunnen, so dat wi nu al weer för Feberwaar nögen mutten.
Wi bemöten uns weer an de token Freedag, de 01.02.2013 in de Teeköken van de Leezder Möhlen.
Dat geiht - as alltied - van 19,oo Ühr of an hento 21,00 Ühr.
Wi willen over de "Jagd in Oostfreesland proten - wo se froger weer un wo se nu is". Dat is neet blot "Puffpaff", daar kummt een heel Bült binanner, to ´n Bispill, wennheer de leßt Wulf in Oostfreesland dood schoten worden is usw.. Wenn dat Glück mitspöölt, hebben wi ok een Jager, ok een Lidd van uns OT, bi uns, de ok sien Jagdhoorn mitbrengen will un Halali of so blaasen kann. Glück mutten wi hebben, wieldat he an Freedag Vörmiddag in Bremen na ´n Dokter mutt, man he hoopt,
dat he up Tied torügg is.
Wenn een mooi Vertellsels of Beleevnissen van Jagd hett, sall he dat mitbrengen.

Hento Freedag
Jo
Adolf Sanders