Nu is de Mai weer komen

 "Der Mai ist gekommen" - übertragen ins Plattdeutsche von Adolf Sanders

1. Nu is de Mai weer komen,
wi danzen un bünt blied,
un nu bleih'n ok all de Bomen,
uns Hart word bannig wied.
As de Wulken daar wannern
hoog over uns an 't Hemelstelt,
so will'n wi uns verannern
un trecken wied in d' Welt.

2. Leev Heimat, leev Ollen,
uns Gott mag jo bewahr'n,
ik will mi daaran hollen
mien Glück tomöt to fahr'n.
Daar gifft 't so mennig Straten
up de ik nooit neet bün marscheert,
un gifft ok mennig Faten
mit Wien, de 'k nooit probeert.

3. Bi de eerst Sünnenstrahlen
bün ik dann all up Padd.
Uns Land is hier to prahlen
mit Möhl'ns un Water satt.
Wi will'n vöör allen Dingen
up Bargen un in d' Wald herin
waar anner Vögels singen
uns wieden Geest un Sinn.

4. O wo mooi is 't to wannern,
geneten de Natüür!
Wi lehr'n ok geern van annern
so sünner Tied un Ühr.
Van d' Lagerfüür deit 't klingen
een Leed so vull van Stolt - un blied
fangt ok mien Hart an 't singen,
de Welt is mooi un riek!