Platt-Klön in Leezdorf

Leev Mitstrieders,

token Freedag, de 03.08.2018 (19,oo Ühr – 21,ooÜhr), is weer een Platt-Klön-Avend in de Teeköken van de Leezder Möhlen. Ditmaal sall dat um Karkenbauten in Oostfreesland gahn. Haast elke noch so lüttje Dörp bestunn daarup, sien eegen Kark to hebben, wieldat man in dat Middeloller doch, dat een mögelsk groot Kark för de , de de upbauen und ok de, de dat Wark futthelpen uns leev Heergott so beindrucken kunn, dat se een good Stee in d´ Hemel towesen kriegen kunnen.

Oostfreesland is van dat 9. Jahrhunnert of an to ´t Christendom föhrt worden. De Missionaren, so as Bonifatius, Liudger, Ansgar, Willehad usw., hebben Holtkarken bauen laten. De harren van dat 13. of 14. Jahrhunnert of an utdeent un bünt mit lewerlaa dör Steenkarken ersett worden. In de groot Stadtjes in Europa hett man anfangen, groot Karken mit vööl Priesherrelkheid in de Aard van de Romanik un later de Gotik uptotrecken, de worden hento vandaag noch düchtig bewunnert. Oostfreesland – mit sien domaals lüttje Inwohnertallen - kunn sowat natürelk neet up de Been stellen, man uns Vörollen un Urahnen hebben doch mooi wat tostann kregen. Karken de slicht un doch wunnerbaar bünt, Karken, in de een sük wohlföhlen kann un ok eenig bedüdend Boowarken, so as de van Maienhaaf, Osteel, Engerhaaf, Nörden, Emden, Doornem bit herin to de neeiste un jungste Tied usw.. Ik lööw, daar könen wie all good wat bidragen.

De Heimaatvereen Leez versörgt uns weer mit Tee un Kookjes.  Daarför un wieldat wi daar elksmaal to Gast wesen düren, hollen wi geern weer ´n Gaav van sowat 2,50 € p.P. paraat.

Hento Freedag

Jo Adolf Sanders