Platt-Klön-Avend in Leezdörp

Leev Kulantjes,

de leßt Maant van dat Jahr 2018 is anbroken, daarmit kummt ok de leßt Platt-Klön-Avend in disse Jahr.

Wi bemöten uns, as alltied, Freedag, de 07.Dezember 2018 um Klock 19,00 Ühr (hento 21,00 h) in de

Teeköken van de Leezder Möhlen.

Ditmaal willen wi uns over uns Kuntreispraak unnerhollen, wo se sük herutbildt hett, wat för Wuddels se hett  un wat för Unnerscheden in de eenzel Dörpen, Stadtjes un Landsdeelen vöörkomen.

Spraken leeven, as wi all al mitkregen hebben. Spietelk is, dat so vööl van uns overleevert Kultür achterbleven is. De Avend is sett unner dat Rebett: “Freesk, Nedersassik, Platt un de Unnerschedens”. Weer mooi, wenn de een of anner van Jo ok wat daarto bidragen kunn.

Denkt dran, de Heimaatvereen Leez hett weer heel lecker Neeijahrskoken - of eenigen seggen ok Knappkookjes daaran - backt, de könen wi daar dann kopen. In de Anlaag is ok al maal de Plaan för dat token Jahr uptekend.

Mit leev Gröten

Jo Adolf Sanders

Themen för Kuntreivergadern 2019

(Stand November 2018)

Wi bemöten uns elke eerst Freedag in d´ Maant – Klock 19 Ühr (hento 21,oo h) - in de Teeköken

van de Leez(dörper) Möhlen. Wi proten platt over de hier drunner fastleggte Rebetts, man wi bünt ok neet düll, wenn dat maal ´n bietje daarvan offwieken deit – of, wenn de een of anner sük neet troot un lever ´n hoogdüütse Bidrag inbrengen will. Intree is free för elk un een, Anmeldens bünt neet nödig.

Fr. 07.12.2018            Freesk, Nedersassik, Platt un de Unnerschedens

Fr. 04.01.2019            Museen in Oostfreesland

Fr. 01.02.2019            Well (van buten) na Oostfreesland kwamm un over uns Grenßen hen bekannt worden is

Fr. 01.03. 2019           Uns Nahberstadt Emden

Fr. 05.04. 2019           Over uns Schooltied

Fr. 03.05. 2019           Uns Hoovtlingen un eerst Grafen

Fr. 07.06. 2019           Dat Waddenmeer un dat Leven daarin

Fr. 05.07. 2019            - Disse Termin mutt utfallen -            

Fr. 02.08. 2019           Oostfreesland un sien Klosters

Fr. 06.09. 2019           Volkslieden, Krankheiden un wo Oostfreesen daarmit umgahn bünt.

Fr. 04.10. 2019           Uns Leven in de 2. Oorlog (Wereldkrieg)

Fr. 01.11. 2019           Oostfreeske Sielhavens

Fr. 06.12. 2019           Wo sük dat Burenwark un dat Burenleven verannert hett

Fr. 03.01. 2020           Uns Nahberstadt Auerk

Adolf Sanders, Norden