Leev Kulantjes,
token Freedag is al weer de eerst in d´ ankomend Maant. Wi willen weer to ´n Klöntied binannerkomen an Freedag, de 01.Märt 2019 – 19,oo h (hento hoogstens 21,oo h) in de Teeköken van de Leezder Möhlen. Dat sall gahn um “Uns Nahberstadt Emden”. Wi willen een bietje over de Eegenheiden van de grootste Stadt in uns Oostfreesland proten, over sien Geschicht, over dat Entwickeln van dat lüttje E-muhden hento de later grootste Hafenstadt van Europa in Begünn van de Neeitied. Emden hett do een groot Bedüden kregen för heel Oostfreesland und het dann ok de Hooftrull för uns Kultür und Weertschupp overnomen. De Emders hebben höör besünner Platt – un in d´ Kuntrei hett man höör as “Pottjekackers” utwesen (mennig Lü seggen ok. “Poggenbörg” daaran). Ik denk maal, to Emden kann elk un een wat bidragen, ok an Döntjes, Vertellsels, egen Beleevnissen, van sien Hafen, van VW, van Theater, van sien Museums, sien Hoogschool, van sien Originaalen un Sport un..un..
Kösten deit ´t nix, wi halen blot weer ´n paar Deiten för de Heemaatvereen Leez up, de uns elksmaal so mooi umtüdeln deit.
Jo Adolf Sanders
Keine Kommentare:
Kommentar veröffentlichen