hiermit nöög ik Jo nu weer to uns Klön-Stammdisk an Freedag, de 07. Juni 2019, in de Teeköken van de Leezder Möhlen. Dat löppt an um 19,oo Ühr un is laatstans daan tegen 21,oo Ühr. Uns Rebett is :”Dat Waddenmeer un dat Leven daarin”.
Wi hebben all dat Waddenmeer vöör uns Nöös – of beter: vöör d´ Diek. Mennigmaal lett dat reinkant dood, man dat is heelndall neet so.
´Wat weern wi sünner Wattwurms, wat weern wi sünner Watt?´ singen mennig Leederklottjes.
Wat is Watt, wo is dat tostann komen, wo is dat upboot. Normalerwies weten de meeste Minsken haast nix daarover. De meesten van uns bünt daar seker al maal drin herumlopen, se sünd mehr of minner insackt un wenn wi keen Waddenföhrer d´rbi hebben, dann hebben wi ok neet vööl sehn. Daarbi wimmelt dat blot so van Deeren, so as Mussels, Nüntjes, Dwarslopers, Granaat, Krabbers, Seeibladders, Waddenklickers, Quallen, Pieraas, Slickwurms, Enktfissen, Kraken, Fallhoodjes, Siedenwinners, Wattsniggen, Meerspruut, usw. - un ok Planten as Geel Kastjes, Seeigras, Queller. Dann gifft dat daar ok Fissen, vör alls Jungfissen un Scharen van Vögels, Seeihunn, Kegelsnuten. De meesten van dissen sölen Se wall mit hör plattdüüts Namen neet kennen, man ´t lohnt sük, daar eenigen van kennen to lehren. Ik kann Hör dann ok de hoogdütse Namen upwiesen.
Viellicht hebben Se ja ok sülmst Beleevnissen hat.
Dat Waddenmeer gellt as de Landschupp, de dat meest Leven in sük bargen deit, wied mehr as t.B. de troopske Urwald. Sull man haast neet löven!
Hento Freedag,
Jo Adolf Sanders
Keine Kommentare:
Kommentar veröffentlichen