Arntekroon in'd Möhln bunnen

Na oll Wennst harrn güstern Avend meenig Lü van‘d Heimatvereen, Kark, Sportlers un Landfroon in’d Möhln de Arntekroon bunnen un na’d Kark hen dragen. Was all düchtig nattkolt un so weern all blied, as se sük achteran bi‘n lecker Tass Tee mit Krinthstuut in’d Boo upwarm kunnen. De Kroon ut Rogg un Hafer sall nochn Settje in’d Kark hangen. An‘d Arntedankfest sammeln sük de Lü dorunne, um Gott dorför to danken, dat wi alltieds to äten un drinken un’n warm Dack overt Kopp hemm. Van eenig Makers kwam de Vörschlag, anner Johr Fahntjes mit Leezder Wappen an de Kroon to hangen.