Wenn
up een Verlaat is, denn is
dat Sünnerklaas. As
elkeworns in Ostfreesland kummt he all een
Abend vördem
un brengt Zuckergoot
unner
de lüttje Lü.
So
ook in Leezdörp. Mit Peerd un Wagen, heel na ollerwelschk Maneer,
kwam he bied Möhln vörfohrn. Van´d Galerie schmeet he Mocken runner und hett dormit ruchwech fieftig Kinner blied maakt.
Förn
half Johrhunnert, to mien
Kinnertied, wenn dat
Sünnerklaasabend all
schummeldüster was,
hett mien Opa
de Fenster van uns
Stuuv ´n bietje
open maakt. Tosamen
hemm Opa
un ik smalls
Grönkohlbladen
un Schwartbrot för
Sünnerklaas sien
Peerd up Fensterbank parat
leggt.
Een
Emmer full
Water kwam butendör,
wiel dat
Peerd ook faken
Dörst harr.
Opa wuss wiers,
dat Sünnerklaas na de
lelk Kinner bloot
een Püttje mit Solt
henbrengen
de. Un
een dicke Tack, de Rute.
Dormit kregen de
undöög Fenten
wat förd Mors.
Ik was alltied leev west
un so tuschke Sünnerklaas Grönkohl
un Schwartbrot tägen dat
leckerste Schlickerreef.
Een Handfull Nöten schmeet
he ook up mienTeller
un een Appelsien. Man to
Gesicht krägen hebb ik de goode Mann domals
neet eenzige
Mal.
Van`d
Möhln ut hett Sünnerklaas
nochn lüttjen Fohrt
overt Berer Weg
na´d Sandkasten maakt, mit
Kinner de achteran. De Lü
vant Füürwehr harrn Oog up
Verkähr, dat Kinner, Peerd
un Sünnerklaas keen Malhör harrn.
Bied Imkerladen, bied Bank
un bi Metz kregen de Kinner Zuckergoot un Luftballons. Toletzt
kwam de Tucht bied
Leezdörper Hof an. Kinner
de manns genug wassen
hemm sük dor
up Saal mit Sünnerklaas
knipsen laten. Na
oll Wennst wurn dor ook wär Torten, Wursten, Klaven un anner Leckereen dört
Knobelbeker unnert Lü brocht.
Wo
de Tieden doch anners worden sünd: As
lüttje Wicht was
ik bang
för Sünnerklaas.
Vandag
klautern Kinner bi hum up Schkoot herum.
As dat utsücht kummt
Sünnerklaas good
torecht in
uns modern
Welt.
Gisela
Tebben-Riesebeck
Der Niklaus bedankt sich für die schöne Geschichte und hofft, dass er noch viele Jahre für die Kinder von Leezdorf da sein darf.
AntwortenLöschenSünnerklaas grüßt das lütje Wicht von Upgant-Schott