lesde Week hebb ik disse Breev van Andreas Gerdes kregen, dana steiht mien Antwort an Andreas un an jo.
Leve Raadselfründinnen un -frünnen,
dat is woll nich to glöven, man hier kummt dat leste plattdüütsk Sülvenraadsel för de ON.
Dat Dagbladd hett "uns de Stohl för de Döör sett", eenfach so!
De Üpperste hett mi anropen un mi disse nare Mitdelen maakt. He wull mehr "Niveau" in't Bladd hebben. Dat heet, dat uns Raadsel kien Niveau hett, ok wenn dat 33 Jahr lang bestahn hett. De Heer Schmidt, Chefredakteur, is en Hoogdüütsken un kann mit uns Platt nich warm worden. - Good, dat mien Vörgängers Johannes Diekhoff un Karl Schoolmann nich mehr beleven.
Man eens steiht för mi sülvst fast. An de ON geiht kien Platt-Lamberti mehr hen, un ok de Spröökjes verswinnen.
Mi spiet dat bannig, aver wenn de Boss kummandeert, denn hett de lüttje Mann to springen.
Ik bedank mi bi all, de mi in all de Jahren as Raadselmakerske of -maker to Sied stahn hebben. Noch en grote Dank geiht an all de, de elke Maant dat Raadsel lööst un de Uplösen instüürt hebben. Schaa is dat, dat man kien bunte Postkaarten mehr kriggt un ok mit de een of anner nich mehr in d' Proot of Snack kummt.
Heel spietelk is dat ok, dat ik mi van mien beid Damen Anne un Silke (of umgekehrt) ut dat Sekretariat verofscheden mutt. De hebben mi elksmaal hulpen, dat de Raadsels akkeraat van de Längde her in 't Dagbladd kemen. De beiden sünd ok nich bi de ON. Denn kann man sük an dree Fingers oftellen, wo dat bi de ON to Tied tokehr geiht. Schaa!
Ik wünsk jo nu all mitnanner dat Allerleckerste und -beste, weest all Daag blied un vör allem gesund! Daarto passt mien Spröökje in de ON van vandaag: "Beter een Hart vull Bliedskupp as een Sack vull Geld!"
Mit vööl Hartsehr segg ik tschüss!
Jo Andreas
Leve Andreas, geachte Leden van Ootsfreeske Taal und Frünnen van plattdüüstke Spraak.
Dat is ’n Slag in d‘ Nack van uns Plattproters! Sied Jahr un Dag sünd wi d’ bi dat wi Platt in Oldag erhollen. För uns hört Plattdüütsks d‘ mit to un denn verwachten wi ok dat in uns Dagbladd pattdüüsk schreven word, tominns tüsken in maal. Wenn de ON anner „Niveau“ hebben willn, frag ik mi, waar willn de henn? Na unnen? Noch wiederweg van hör Lesders? Seker mutten se mit de Tied gahn, neeie Medien för neeie Lesders. Aver dat geiht ja nich blot um Klicks. Well watt neeis will sull doch nich sien troste Kunden in d‘ Nack hauen. Nix is oller as dat Bladd van güstern, blot dat Bladd mit den Sülvenratsel nimmt man immer weer in d‘ Hand, bit man de Ratsel uplöst hett.
Mit vööl Hartsehr segg ik tschüss!
Jo Andreas
Leve Andreas, geachte Leden van Ootsfreeske Taal und Frünnen van plattdüüstke Spraak.
Dat is ’n Slag in d‘ Nack van uns Plattproters! Sied Jahr un Dag sünd wi d’ bi dat wi Platt in Oldag erhollen. För uns hört Plattdüütsks d‘ mit to un denn verwachten wi ok dat in uns Dagbladd pattdüüsk schreven word, tominns tüsken in maal. Wenn de ON anner „Niveau“ hebben willn, frag ik mi, waar willn de henn? Na unnen? Noch wiederweg van hör Lesders? Seker mutten se mit de Tied gahn, neeie Medien för neeie Lesders. Aver dat geiht ja nich blot um Klicks. Well watt neeis will sull doch nich sien troste Kunden in d‘ Nack hauen. Nix is oller as dat Bladd van güstern, blot dat Bladd mit den Sülvenratsel nimmt man immer weer in d‘ Hand, bit man de Ratsel uplöst hett.
Wi sülln uns dat nich gefallen laten, villicht könnt wi d‘ nix mehr an ännern, man wi süllen al eem naat Zeitung schrieven, dat uns dat nicht gefallt!
Schrievt een Breev an de ON-Redaktion:
Kirchstraße 8-14
26603 Aurich
Telefon: (04941) 17 08 0
E-Mail: redaktion@on-online.de
of am besten an de Baas van de Redaktion Stephan Schmidt stephan.schmidt@on-online.de
Gröten Hans Freese
Keine Kommentare:
Kommentar veröffentlichen