för token Freedag, de 02. August 2024 um Klock 19,oo Ühr (hento sowat 21 h) is weer en Platt-Klöön-Avend ansett worden in de "Boo" achter de Leezder Möhlen. Wi willen proten over "Krieg un Oostfreesland". Docht weer dat jobenaamd an de tweed Groot Oorlog un daar besünners an sien Enn.
Krieg tüsken Volksstammen gifft dat van de Begünn van de Minskheid of an. De Psychologen seggen, dat dat in de Natür van de Verloop liggt, dat geiht um Rümte un Eten un Drinken, um Macht un dat Seggen van Overgewicht, van Haat, Leevde un Religion. Al in de ollste Kultüren is Krieg dokumenteert, kieken Se man blot in dat oll Testament van de Bibel, dat is mehr of minner de Geschicht van dat Volk Israel un van de Unnergang van Grootmannsdom.
Ok de Freesen bünt daarvan neet utsloten, man se hebben al froog Verfatens inricht, de tegenstüren söllen. Dat is ok de Grund, dat dat Volk van de Freesen neet unnergahn is - as so vööl annern, de van de Franken un hör Köning Karl (de Groot) overlopen worden sünd . Hör Aard to leven un to regeeren gellt as Bispill för annern, Kaiser Karl hett dat oversetten laten. De Hovetlingen, de later upkwammen, hebben ok Krieg unnernanner föhrt, dat is ok weer de Grund, dat frömd Machten in Freesland ingrepen hebben.
De tweed Groot Oorlog hett eerst laat groter Schaa in Oostfreesland achterlaten. De Englanners. Amerikaners un Kanadiers usw. bünt in Oostfreesland indrungen, man sünd uplesst midden in Oostfreesland stahn bleven. So mennigeen mag noch sien Memoorje daran hebben, of he de nu sülmst beleevt hett of van Ollerden höört hett.
As alltied deit dat Vergadern nix kösten, man wi bidden um een lüttje Gaav för de Heemaatvereen Leez, de uns elksmaal so mooi versörgt.
Hento Freedag
Jo Adolf Sanders
Keine Kommentare:
Kommentar veröffentlichen