Platt-Klöön-Avend

Leev Plattfrünnen!

Wi hebben uns Platt-Klöön an Freedag, de 03. Janewaar, Klock 19 Ühr (hento sowat 21 Ühr) in de Boo van de Leezder Möhlen. Uns Rebett is: "Wat wi as Kinner spöölt hebben". Daar bruuk ik seker keen Vörgaven geven, wi hören ja ok verscheden "Generationen" an und hebben wiss ok verschillende Spölen hatt. Ik t.Bsp. bün noch vör dat Utbreken van de II. Oorlog up de Werelt komen, man do fung dat al an, dat dat keen Spööltüg mehr gaff (bit up Kriegsgoodje), un dat wullten mien Ollen neet. So mussen wi uns sülmst wat utfinnen - un na de Oorlog gaff dat ok haast nix, man wi hebben spöölt - un wo! Nahderhand wurr dat eerst langsaam beter, laat uns man seggen, na 1948. Elk kann daar wat bidragen.
Wi hebben ok seker vööl mehr in buten spöölt un bi Regenweer eenerwaar in Stallen un Schüren of waar ok alls, dat gung um künnig Slagg, um Weten un Behollen, um Namaken van de Arbeidswerelt um uns to, man ok um tokieken un um gau lopen un utwieken un verstoppen usw..Tja, dann man bit hento Freedag.
Dat Mitmaken köst nix, wi gadern blot, as alltied en bietje för de Heemaatvereen Leez, de uns versörgt.

Jo Adolf Sanders un dat Team um mi to