Folkdanz im Leezdorfer Hof

Na ´d Upstellen van d´ Maiboom up Dörpplatz in Leezdörp, an d´ 30. April 2012, willen wi  mit Bliedskupp in d´ Mai herindanzen...up Saal van d´ Leezdörper Hof.
Daarto nögen wi van Harten all Folkdanzers un de annern, de Lüst daarto hebben.
Tegen 21.oo Ühr spölen Jörg Fröse und Stefan van de Nörder Danzkoppel to d´ Danz up (viellicht komen ook noch mehr Muskanten daarto).
Groot Kösten sünd neet to verwachten. För de Muskanten steiht en Hood paraat.
Een bietje Klimperee in d´ Knippke för d´ Drinkeree kann blieven,  dat langt.
Mit disse Veranstalten willen wi an de grootaardske Balkfolk in Leezdörp anknütten.
Weer mooi, wenn ji Lüst und Tied harren, mit uns de freei Folkdanz up disse Aard un Wies to beleven.
Mit hartelke Gröten ut Leezdörp
Manfred Wirringa 

Un bito: De Maiboom waard tegen 19 Ühr upstellt, un de Nörder Danzkoppel danzt um de Boom to. Ook daarto sünd ji all mitnanner inladen.