Föör 25 Johr sünd Froolü und Mannlü tosamen west und hem wies beschlooten, Leezdörp bruukt een Dörpfest.
Sieht de Tied fiern wie Johr för Johr uns Dörpfest uplerst vant Maimaant.
Sietdem biesteit een Vörstand vant Dörp Arge, dee fört Fest verantwortlich tekken und fört Rahmenprogramm toständig is. See hem dorbie mennig moije Saaken upstellt, un uns een fein Daag biestellt. Off biet Sünnenskien, off Puckeln vull Regenschuurn.
Maanten föört Fest geit organisieren und planen, sowie fastleergen vant Terminen all los.
Dorbie entsteit oog Gemeenskupp und nen fasten Bande. Een mut sück up anner verlaaten könn.
Of Fest nun Anklang finden deit, kannst vörher nee so genau weeten. Dat kanst bloot ahnen. Dorbie ist in´t Loop vant Johren Swankungen to beobachten, of vant Besökers her oder Biedragen vant Firmens of Vereen. Meenig een meent dat word all minner.
Wie willn vandag aver nee so genau torüchkieken, föör vandag hett sück Dörp Arge vörnommen, vörrut to kieken.
Denn an disse Dag, sull wat so richtig to belven geven. Vörstand hett een Festausschuss to Stöhn kregen un miteenanner hem see sück mächtig in´t Tüch lercht. Bie all dee Gedrüs, is denn een Spöl tostahn kommen. De kriegen wie vandag to sehen.
Dree Muuskantgruppen spöllen, danzen wort förwiest, moorhanjes kannst söken oder ratseln biet Gewicht vat Swien. Dat geit vandag hier Schlag up Schlag. Kiek man up Programm.
Up uns 25. Fest sünd mehr Unnernehmers ut Dörp vertreden as anners, sogor DRK is wär dor.
Heel wat besünners gift up dee lütje Meile biet Leezder Kultur-Forum, vant Kunsthandwark bitt na leckers brannen int Liev oder wat föört Nöss und Ogen.
Kinner spölen immer groode Rull up Dörpfest. Vörstand und Vereenen sörgen fört Extra- programm. Sülvst sünd see mit Aktionen ut Kinnergarden und Grundschool vertreden. Dittmal setten se noch een drupp.
Kiek jo hör Tokunftwand an, jie sünd upvördert, dor watt bitostüürn, laat dee Grundschölers biet sück Gedanken maken over Leezdörp nee allenig.
Disse Bitrag geit mit in´t Wettbewerb „Unser Dorf hat Zukunft“ De Bezirkskommission kummt ant 7. Juni, tegen 17.30 hier an.
Een Punkt dorbie is, see kieken og in jo Thuns
Up Hochdütsch het dat „privates grün“
Dorum hollt jo Thun skoon, laat Blömen prooten overall und holt de Straat för jo Grundstück sauber. Denn dor kieken se og henn. De hem hör Ogen overall.
So nun reicht dat aver,
Gemend Leezdörp bidankt sück bie all Lüü dee sück fört 25. Fest insetzt hem, bi de Grooten und bi dee Lütjeste.
Bloot tosamen bistan wie. Dat kann man vandag hier sehn.
Tosamen geneten maakt mehr Spass, as wenn´t allenig bist.
Laat uns de Dag so beleven, an de wie gern torüch denken.
Manfred Wirringa, Bürgermeister
Keine Kommentare:
Kommentar veröffentlichen