´Seenoodredden un – redders´

Leev Plattproters (un de de ´t worden willen),
ik nög Jo, as all Maant weer to ´n eerst Freedag. dat heet an de 06. Feberwaar 19,oo Ühr (hento 21,oo Ühr) in de Teeköken van de Leezder Möhlen. Uns Rebett is ´Seenoodredden un – redders´. Dat Thema weer al maal ansett, jüst to de Tied, as Düütsland um de Besten van de Wereltfootballers in Brasilien spölen dee. Do muss dat domaals utfallen. Wieldat wi toeerst overleggt harren, all mitnanner na de Vöördrag van uns Schottjer Leeden hentogahn [Jörg Bünting: Deutsche Gesellschaft zur Rettung Schiffsbrüchiger – DGzRS] , de jüst ok an disse Aavend wesen sall, harren wi open laaten, wo dat nu worden sull. Man ik bün van eenigen van Jo beeden worden, dat doch so – as wennt – ofloopen to laaten.
Well leever na de Vöördrag in ´t Ellernhuus in Upgant-Schott (06.02. – 20,oo Ühr) will, mag dat geern doon, daar is keeneen düll um, tomaal dat haast datsülvig Thema is, as wi hum hebben.
De Rest, kummt dann in d´ Leezder Möhlen tosaamen.

Mit leev Gröten
Jo Adolf Sanders