Stammdisk Oostfreeske Taal Nörderland-Brookmerland

Leev Kulantjes,
ditmaal is – utnaamswies - dat Tosamenkomen an de tweed Freedag in d´ Maant Mai, de 08.05.2015 – Klock 19,00 Ühr (hento 21,oo Ühr) in de Teeköken van de Leezder (Leezdörper) Möhlen. Uns Proot sall gahn over "Huusdeeren, de wi neet nögt hebben".
Elk un een hett ja wiss all sien Beleevnissen hat mit Muusen, Rötten, Marders, Müür- un Steentieken, Spinnen, Mieten (Milben), Kakerlaken, Zuckergasten (=Sülverfiskes), Klopp- un Doodentieken, Wurms, Mispels, Steekmüggen, Schietimmen (Brummers), Steertmanntjes un ok Deeren, de wi wall lieden mögen: Swaalvkes, Kattuulen, Lüntjes, Fleddermuusen un heel vööl annern.
 ik beloov Jo, dat dat alls neet blot to ´n Grietjen is.
Jo Adolf Sanders