"Oostfreeske Dieken, Slüsen un Siels" - OT Platt Klöön Leezdorf

Leev Kulantjes,
token Freedag, de 04.Märt 2016, bemöten wi uns weer Klock 19,oo Ühr (hento 21,oo h) in de Teeköken van de Leezder Möhlen. Wi willen over "Oostfreeske Dieken, Slüsen un Siels" proten. Wi hebben seeker all uns Beleevnissen daarmit hatt.
Ditmaal sölen wi wall neet so vööl Mitstrieders worden, wieldat eenigen vöörtrecken, an de sülvig Avend na de Generaalvergadern van de Heimaatvereen Nörderland to gahn. Dat dat jüst an de sülvig Dag upnanner fallt, is ´n unglückelken Tofall. Toeerst was de 11.03. daarför vöörsehn west, dat harr uns ja dann nix andoon kunnt, man tomaal is dat vöörverleggt worden an ´n Tosaamenkumst, an de ik neet hebb deelnehmen kunnt. Un as ik dat beet kreeg, was dat al to laat noch an de Schruuv to dreihen. Man ik koom - un ik hoop, dat dann ok noch paar van Jo d´rbi bünt un wi weer ´n mooi Unnerhollen un ok ´n bietje Pläseer  hebben.
Hollt Jo munter – un bit daarhento
Jo Adolf Sanders