Leev Lü,
token Week hebben wi al weer ´n nejen Maant, Juni. De Freedag, de 03.06. bemöten wi uns weer in de Teeköken van de Leezder Möhlen, Klock 19,oo Ühr (hento 21,oo Ühr). Ditmaal willen wi daarover proten, wo dat de Huusfroons gung un wat de fröger to doon harren (vöör 1945), as dat noch keen Maskienen gaff. Alls muss van Hand maakt worden, dat was man stuur Wark – un de Dag was mennigmaal neet lang genoog. De Buurenfroons wassen faak noch leeper dran, de mussen ok noch in d´ Bedriev mithelpen un de Blömentuun in d´ Gang hollen. Een bietje beeter wassen de dran, de noch een Oma in d´ Huus harren. Daar gifft dat seeker vööl to vertellen un sük dat in de Gedachten torüggtohaalen un de Jungeren to verklaaren.
Elk un een kann deelnehmen, he mutt keen Lidd bi de Vereen weesen, man wi warven ok um neei Leeden. So mehr sük to dat Platt bekennen, so mehr worden wi ok van de Politikers wahrnohmen (un de hebben de Geldbüdels in d´ Hannen). Uns Platt düürt neet unnergahn!
Beste Gröten
Jo Adolf Sanders
Keine Kommentare:
Kommentar veröffentlichen