Stammdisk Oostfreeske Taal

 Leev Lü,
 dat is al maal weer sowied, uns Stammdisk liggt weer an – Freedag, de 06.Mai 2016 – Klock 19,oo Ühr (hento 21,oo h) in de Teeköken van de Leezder Möhlen.
 Ditmaal willen wi uns mit de "tom Brooks Familie" befaaten. Over disse Hoovtlingsfamilje is neet alltovööl würkelk bekennt. Man daarför bleihen ´n heel Bült Saagen un Seggens. ´Ritter´ Okko was wall de eerst, de  man mit eenig Recht as Hoovtling van heel Oostfreesland ansehn kann, sien Ollske (sien Fro, well dat plattdüüts Woord neet hören mag – man düürt dat blot neet mit ´Alte´ oversetten!) is verropen as  ´Quaade Foelke´ . Höör Grootkind ´Hebe´ wurr de Moder van uns eerst Gräfin Theda, de mit de eerst oostfreeske Graaf  Ulrich Cirksena troot weer, un de een Stamm-Moder van all vandaag noch regeerend Konings un Koningskes in Europa worden is. So is ok  de quaad Foelke Vöörfahr van all deen.
Hento Freedag – mit hartelke Gröten
Jo Adolf Sanders