"Jahrmarkten - fröger un vandaag"

 Leev Plattproters un Tohörers,
nu hebben wi al weer Augustmaant un uns Stammdisk liggt weer an. Wi bemöten uns Freedag, de 05.08.16 – Klock 19,oo Ühr (hento 21,oo h) in de Teeköken van de Leezder (Leezdörper) Möhlen.
 Uns Rebett sall weesen "Jahrmarkten - fröger un vandaag". In d´Loop van de Tied hett sük der Jahrmarktsbedriev düchtig verannert, man ok nu noch treckt dat jung un ollerde Lü geern daarhen.
 Besünners: Mooi Beleevnissen bünt willkomen.
 De Heemaatvereen Leezdörp bidd, dat wi för Tee un Kookjes elk 2,oo € spenden mögen, ik lööv, dat is uns de Saak wall weert.
Noch een anner Bidd, uns Doc Hans-Hermann Briese organiseert weer dat plattdüütse Leesen an Middeweek, de 07.09.2016 – Klock 17,oo Ühr – ditmaal in de Rummel van dat Oll Raadhuus in Nörden.
Thema is "Ökelnaamen". He hett bit nu eerst dree Lü, de wat daarto bidraagen willen un meent, dat daar noch een paar bikomen mutten – meen ik ok! Daar gifft dat doch wiss genoog van to vertellen,
mutt ja neet to lang worden, man so ´n teihn Minüten stahn elk un een to. Meld  Jo bi hum, - man to, kien bang!
Jo Adolf Sanders