"Eeten un Drinken bi de ´oll´ Oostfreesen"

Leev Mitstrieders,
uns Platt-Stammdisk is in disse Maant an Freedag, de 07.10. –Klock 19,00 Ühr (hento 21,oo h) in de Teeköken van de Leezder Möhlen.
Wi willen over "Eeten un Drinken bi de ´oll´ Oostfreesen" prooten. Dat gifft mennig Anwendsels, de de Lü annerswaar neet kennen. Vöör alls over Land hebben sük daar Eetereen un Drinkereen herutklamüstert,  de man blot (of tominnstens haast blot) hier finnen deit un de bi annern mennigmaal Koppschüllern vöörbrengen. Ok an mennig Fier- un Feestdagen gifft dat Reew, bi de een faaken fraagt word, of sowat overhoopt döör de Sluuk geiht. Ik segg dann faak: "Ji weeten ja, dat dat Lü geeven deit, bi de ´een heel Dreemastskipp döör d´ Halsgatt geiht´". Ik hoop, dat dat weer ´n plesärelken Aavend word.
De Heimaatvereen Leez bidd um een Spenn van 2,50 € för Tee un Kookjes.
Jo Adolf Sanders