Klön Stammdisk Leezdörp

Leev Mitstrieders,
token Freedag, de 02.12.2016 is weer uns Klön-Stammdisk um Klock 19,oo Ühr (hento 21,oo h) in de Teeköken van de Leezder Möhlen.
Uns Rebett sall wesen: "Bildend Künst un Malers in ´t Nörder- un Brookmerland". Daarbi sall ok to Proot komen, wat Künst is, wo se sük herutbild´t hett, welke Malers dat bi uns gifft un geeven hett, of dat nu Lüü sünd, de daarvan leeven mutten of ok de, de de Maleree ut Spaaß bedrieven.
Ok wat ´Kitsch´ bedüdd - un waar viellicht de Grenßen daarhen liggen - sall up d´ Tapeet komen. Daar gifft dat wiss heel verscheeden Meenens. Ok de Levensdaten van so mennigeen sölen beproot worden usw.. Bi uns gifft dat heel vööl Künstlers, de hier upwussen bünt of de van buten na uns henkomen bünt.
De Heematvereen Leezdörp versörgt uns weer mit Tee un lecker Backreew un se bidden, daarvöör een paar Deiten (2,50 € p.P.) up de Tellerke to leggen.
Hento Freedag
Jo Adolf Sanders