"Stiefbucken, Klunthacken, Töffels un anner raar Figöken"

Leev Plattfrünnen,
Freedag, de 05.Mai 2017, Klock 19,oo Ühr (hento 21,oo h) bemöten wi uns weer in de Teeköken van de Leezd(örp)er Möhlen.
Ditmaal geiht dat um "Stiefbucken, Klunthacken, Töffels un anner raar Figöken". Suckse "Originalen" gaff un gifft dat allerwegens. Mennig Nörders (un Lü van umto) kennen noch Vertellsels van t. Bsp. ´Buko, Engel mit Stimm, Siegfried mit bloot Foten´ un noch ´n heel Bült annern – un sowat hett dat in de Dörpen ok allerwegens geeven (Peerschieten-Jantje etc.). Dat geiht uns neet daarum, disse Minsken to verlachen of höör minntomaken. Eenigen bünt daar ja ok henkomen, wieldat se mall Beleevnissen hatt hebben, man annersiets hett (un deit man noch) over höör proten un lachen. Faak willen of wullen se dat sogaar – mit Fliet of sünner höör Weeten -.
Kunn ´n plesärelken Avend  worden.
As alltied, kösten deit dat nix, man de Heemaatvereen Leez stellt uns sien Rümten un alltied lecker Tee mit Kookjes to Verfögen, se bidden daarum um ´n lüttje Gaav (van sowat 2,50 € p.P.)
Jo Adolf Sanders