Leev Lü,
al weer een Maant vöörbi un dann kummt ok al weermaal de Klönavend. Dat is ok ditmaal in d´ Teeköken van de Leezder Möhlen an Freedag, de 06. Oktober 17, Klock 19,oo Ühr (hento 21,oo h). Ditmaal griepen wi een Proot weer up, de wi al vöör een Jahr bi d´Enn hatt hebben. Dat heet “Huusdeeren, de wi neet nögt hebben”. Dat bünt ja – wenn man de Rötten un Musen neet tellen deit – meest heel lüttje Deeren, so as Spinnen, Müürtieken, Fleegen, Müggen,Mieghamels usw. – man ok sucksen, de wi meest heel neet sehn könen, so as Miet, Mikroben u.a.. Een heel Bült Lü mögen disse Deeren neet, meenen, de mutten dood maakt worden, man de all hebben ok hör Sinn – un, of wi willen, of neet – se leeven bi un mit uns, ok wenn wi dat faaken heel neet beet kriegen. Wenn uns dat dann doch tovööl word, dann breeken wi dat Rebett of un proten over Deeren, de in uns Kuntrei herinslieken, so as Waschbaren, Marderhunnen, Wulfen, Luchsen, Bisamrötten, Wullkrabbers usw. un ok de Fissen, de uns de Granaat wegfreeten un de daardör so düür maken.
De Heimaatvereen Leez stellt uns weer sien Rümten to Verfögen un gifft uns Tee un Kookjes, daarum bidden se um een Spenn van so ruugweg 2,50 € p.P..
Hento Freedag
Jo Adolf Sanders
Keine Kommentare:
Kommentar veröffentlichen