Platt-Klön in de Teeköken van de Leezder.

Leev Leden, leev Plattproters,

ankomend Freedag, de 02.03.2018 – 19,00 Ühr (hento 21,00 h) – is weer een Platt-Klön in de Teeköken van de Leezder (Leezdörper) Möhlen ansett. Dat geiht um “Musik un Musikklottjes in Oostfreesland”. Daarbi sall toeerst maal kört uns bedüdend, man haast vergeten, Barock-Komponist

Philipp Heinrich Erlebach (upstahn in Esens) vörstellt worden. Man dann sall dat wiedergahn mit Musikklottjes so as Karkenchors, Shanty-Singers, Gesangvereenen, Posaunenchors usw., mit modernere Folkloresingers, so as Laway, mit Sang-Combos u.a., ok mit enkeld Interpreten, de over Oostfreesland herut för Upsehn sörgt hebben, so as Siemen Rühaak, Carl Carlton, Opernsingers un –singerskes, man ok sucken de in uns enger Heimaat bekannt worden bünt t. Bsp. Jan Cornelius, Gitta Franken (mit Dreebladd), Oliver Jüchems, Feller&Feller, usw. of de neei Upstiegers as Joco Carls un vööl vööl annern. Ik hoop, dat daar elk sien Beleevnissen un sien Vörleeven inbrengen deit. In uns Kuntrei bünt alltied de Schoolmesters för dat Örgelspölen rantrucken worden un mennigeen hett daar ok Groots vullbrocht over sien lüttje Kark herut. Ik lööv, dat gifft vööl mehr, as wi in een Avend vörstellen könen. As alltied bünt ok lüttje Döntjes un Vertellsels willkomen. Well wat to Vörspölen hett, sall dat ok driest mitbrengen, blot dann mutt ok de Apperaat mitbrocht worden, wi hebben ja keen Gerätschuppen. Kunn ´n heel smakelken Avend worden! Ik frei mi daarup.

Jo Adolf Sanders