Klön-Abend in Leezdorf

Leev Plattproters,

mit de neei Maant kummt ok weer ´n neei Klön-Avend van uns Streek Nörderland-Brookmerland, dat is weer in d´ Teeköken van de Leezder Möhlen an Freedag, de 06.04.18 – Klock 19,oo Ühr(hento 21h). Thema is ditmaal: “Wat wi bi un mit uns Grootollen beleevt hebben”. Ik denk, daarhööv ik heel neet vööl vöruttoseggen. Ik lööv, wi all hebben meest blot beste Memorjes van uns Grootollen of van de een of anner van de veer. Wenn man an de hör Leven denken deit un an de Umstännen, de de hatt hebben, dann markt een eerst, wo leep sük alls annert hett – un wo blied wi to de Tied in uns egen Leven herinkieken deen. Ik frei mi al düchtig up Jo Bidragen.

Denkt ok eevkes dran, dat wi good wat in de Pott für Natt un Dröög insmieten, um dat wi ok wiederhenn disse mooi Stee bi de Möhlen hollen könen.

Jo Adolf Sanders