Wi willen ok in d´ Junimaant weer ´n Platt-Klönavend ofhollen, dat sall
wesen Freedag, de 01. Juni 2018, 19,00 hento 21,00 Ühr, in de Teeköken van de
Leezder Möhlen. Dann willen wi uns befaaten mit ´Betahlmiddels, Maaten,
Gewichten, Tiedmeeten´, so as dat in Oostfreesland west hett un wo dat overhoopt
all to so Namen as ´Stüvers, Schapen, Witten, Gulden,..usw.´ kummt, wo de
Oostfreesen mit ´Mielen, Ellen, Footen, Spannen, Diemaat, Grasen, Ruten
...´klaar komen sünd, wo se mit ´Pund,Zentner, Quints un sowat rekend hebben un
wo se de Tied meeten hebben, as noch neet elk un een ´n Uhr an d´ Arm harr. Wenn
d´r noch Tied blifft, könen wi ok noch daarover proten, woso wi verschillend
Dagslengten of Schrikkeljahren (Schaltjahre) of Jahrestieden hebben. Stellt Jo
man al even Fraagen of sowat tosaamen, wenn ´t geiht, söllen wi wall Antwoorden
finnen. Natürelk weet ik ok neet alls. In Düütsland – un ok annerswaar – hett
dat ´n heel Bült Döörnanner geven, wieldat elke Stadt, elke Landschupp wat
anners unner ´n Pund, of ´n Groschen, of ´n Miel of unner ´n Arbeidsdag
verstunn. Kunn heel interessant worden.
De Heimaatvereen Leez versörgt uns seker weer, daarför mutt d´r dann –as
alltied - ´n lüttje Spenn van so ruugweg 2,50 € p.P. up stahn.
Hento Freedag
Jo Adolf Sanders
Keine Kommentare:
Kommentar veröffentlichen