Platt-Klöön-Abend in Leezdorf

Leev Plattfrünnen,

wi düren nu weer binanner komen, wenn wi de Corona-Regels inhollen, wi willen dat nu maal weer wagen. Dat sall wesen an Freedag, de 01.April 2022 um Klock 19,oo h (hento 21,oo h) in de Oll Boo bi un achter de Leezder Möhlen. Uns Rebett is “Schippen un Schippstypen un wat so all daarto hören deit”.

Mien Urgrootvader hett sülmst ´n Dreemast-Bark hat un is daarmit up “Groot Fahrt” gahn, man sien ollste Söhn is mit dat Schipp in de Golf van Biscaya unnergahn (1899), do hett he fastleggt, dat nüms van sien jungerde Söhns mehr up Schipp kummt – un so hebb ik ok neet alltovööl Künn van de “Christelk Seefahrt” ofkregen. Ik hebb mi´n bietje slau maakt. Man ik bün ok daarup anwesen, wat mien Kulantjes bistüren könen. Besünners ok Vertellsels bünt fraagt. Well blot tohören will, is natürerlk ok willkomen. Daar kummt de Proot ok so ´n bietje up de Geschicht van de Waterfahrtügen.

Dat fangt an mit Eenbooms un Roojbooten, geiht over Sailschippen, bit hento Dampers, daarto hören ok Sportbooten, Fährschippen, Fiskereefahrtügen, Kriegsschippen, U-Booten, Krüüzfahrtpotten usw..

Ik hoop, dat Corona Jo neet raakt hett un frei mi up een Weersehn.
Masken mutten wi blot noch bi ´t Ringahn upsetten un Ji mutten de Impfpieksen hatt hebben of ´n (aktuellen) negativen Test.

Hento denn
Jo Adolf Sanders