Back- un Warkeldag bi´d Möhln...

Egentlik wull Fotograaf Hans-Peter Schmitz güstern bi dat moje Weer bloot een lüttjen Radtour dört Gemeend maken, as he bi´d Möhln Lü sehn hett, de dor buten flietig ant Meihen un Warkeln weern. Un wiel dat för sien Lins alltied interessant is, wat rundum Möhln passeeren deiht, is he dor glieks hangen bleven. Tofällig was dat de tweede Saterdag in Maant un dat bedüd van Mai an,

an disse faste Dag, weer lecker Brood, de man sük van elf Ür of an bied Backhuus ruthalen kann. De Leeden van´d Heimatvereen wassen upropen, vörmiddags um Möhln to all schkier to maken. Dorbi is Hans-Peter Schmitz gewohr worden, dat dat nu ok hier een flietigen Rentner-Kolonntje givt, de dat Wark up Stä hollt.

Vörsitter van´d Heimatvereen Gerke was ant Meihen. He harr völ to don, dor is bültenwies Gras um´d Möhln to....
 

... Johann hulp hum mit Kantenmeiher.

                                 

Ok de Fensters harrn dat nödig..

Even Verpusten bi´n leckern Tass Tee.

Renate  wusch de Tassen of.

So um elf Ür herum gung dat los mit de Verkoop van dat lecker Brood un Krintstut ut Backhus.

De flietige Backers Claus-Dieter un Bernhard  harrn ... 

...dat düchtig drog mit hör Backeree, ...

... dormit all disse Lü nochn smakelk Brood of Krinstut  topacken kregen.