Platt-Klöön-Avend

Leev Plattfrünnen,
wieldat de eerst Freedag in disse Mai-Maant en Fierdag was, hebben wi de Platt-Klöön-Avend van Oostfreeske Taal up de ankomend Freedag, de 08. Mai 2026, um 19,oo Ühr (hento ca. 21,00 Ühr) verleggt. Wi komen weer in de "Oll Boo" van de Leezder Möhlen binanner. Ditmaal geiht dat um "Vörjahrsbruukdoom in Oostfreesland rund um de Himmelfahrtsdag".

Dat fangt an mit dat Bruukdoom van de Maiboom-Upstellen an de Vöravend van de Walpurgisnacht, Dann kummt "Moderdag", de "Oll Mai", de Himmelfahrtsdag sülvst mit dat "Bruudpadd-Leggen", gliektiedig is dat ja ok noch to de "Vaderdag" umwannelt worden un dat höörd up mit dat Bruukdoom um Pingsten. So komen ok de Veehdrift, de Ieshilligen, de Wanderbegünn van de Handwarker-Gsellen un de uroll Pingstmarkt in Nörden to Proot. Mennig lüstig Wanderleedjes un Vörjahrsriemsels, sowied se plattdüüts vörliggen, hören ok d´rto.

De Heemaatvereen Leez versörgt uns - as alltied - mit Tee un Kookjes of Krinthstuut, so dat wi keen Intree nehmen, blot´n Spend an de leev Heemaatsvereen van Leez.

Jo
Adolf Sanders mit dat Platt-Klottje van de Heemaatvereen Nörderland