Platt-Klön-Abend in Leezdorf

Leev Lü,

uns Platt-Klön van elke Maant kummt weer an Freedag, de 06.Juli 2018 – Klock 19,oo Ühr (hento 21,oo h) in de Teeköken van de Leezder Möhlen.

Dat Rebett, wat wi beproten willen is: “Burenplaatsen un Landhusen (Villas) in Oostfreesland”.  Uns Burenhusen laten sowat mehr of minner all gliek,

man wi könen doch ´n Verschill faststellen t.Bsp. tüsken Marschenplaatsen un Sandplaatsen. An mennig Husen kann man ok an de Boowies sehn, in welke Streek de stahn deit. Man mutt dann blot ´n bietje beter henkieken.

Faakstieds gifft dat ok verschillend Kleenigheiden t.Bsp in de Gevels, of Fensters, of Dören usw...

Vörsehn is, over de Boowies to proten un wenn d´r noch Tied blifft, könen wi ok anner lüttjerder Burenhusen utkieken. ´Vörnehm Landhusen´, daarmit sünd meent, dat wat man as Villas beteken deit, so as se in uns Stadtjes un Dörpen faaken vörkomen. Ik hoop, dat Ji all mooi Bispillen kennen un viellicht ok dat een of anner Bild paraat hebben.

De Heimaatvereen Leez versörgt uns weer mit Tee un Kookjes, daarför sammeln wi ´n paar Deiten in (ruugweg 2,50 € p.P.).

Hento Freedag

         Jo Adolf Sanders