uns Platt-Klön-Avend liggt weer an. Wi bemöten uns Freedag, de 01.November 2019 – Klock 19 h (hento hoogstens 21 h) - in de Teeköken van de Leezder Möhlen. Uns Rebett is ditmaal “Sielhavens in Oostfreesland”. Dat gifft de groot Havens, so as Emden, Leer, Nörden un Wilhelmshaven usw. Man bito gifft dat ok de Sielhavens, van de ut deelwies Schippen “Up Groot Fahrt” gahn bünt. So hebben Ollersum un Carolinensiel t.Bsp. to mennig Tieden mehr as dartig Seilschippen hat, de van daar ut in de wiede Welt fahren bünt. Sielhavens bünt daar entstahn, waar de Deeps in de Eems of in de Noordseei lopen sünd. Ok de normaale Küsten-Fiskeree is van disse Sielhavens ut gahn. An d´ Eems bünt dat tomeest “-um”-Dörpen, so as Jemgum, Ditzum/Pogum, Petkum, Borssum, un an d´ Waterkant sünd dat “-siel”-Namen, so as Greetsiel, Nessmersiel, Doornmer-Westeraccumersiel, Bensersiel, Harlingersiel, Carolinensiel, Hooksiel usw..
Mennig Dörpkes daarvan liggen vandaag wied in ´t Binnenland, wieldat man de Dieken un de Sielen verleggen muss.
Sülmst Seeirovers und Smugglers hebben disse Steden söcht un utnützt.
Daarut is een besünner Soort van Dörpen entstahn, vöör alls hebben de ok Hannel dreven, Handwark in sük upnomen un ok Käptenshusen boot usw.. Gifft ´n Bült daarover to vertellen, so hett dat ok t. Bsp. Marie Ulferts ut “Clienensiel” daan. Sall mi maal wunnern, wat Ji noch so alls bidragen könen. Noch eens, dat Leezdörper Theater spöölt ok an disse Avend, so is dat woll beter, mit Autos neet heel bit na d´ Möhlen hentofahren, anners komen wi daar neet so licht weer rut.
Hento Freedag
Jo Adolf Sanders
Keine Kommentare:
Kommentar veröffentlichen