Leev Plattjers,
Ji marken al daaran, dat ik mi eerst so laat melden do, dat wi ok nu noch neet weer binanner komen düren. Dat spiet mi – un so as ik höör - eenig annern ok.
Disse Naricht kummt, umdat d´r nüms doch na Leez henfahren deit.
In de token Maant, August, was so-of-so nix vöörsehn, daarto meld ik mi dann ok neet.
Man viellicht könen wi in d´ Septembermaant weer togang komen, wenn wi in de lüttje Saal achter de Möhlen, in dat Leezder Klottjehuus, gahn könen. Wenn dat geiht (man ok wenn neet) schriev ik Jo noch weer an.
As Thema is denn up Tapeet: Stüren, Stüürwesen, Offgaven an Staat, Gemeend, Kark usw., wo sük dat entwickelt hett un - wi könen ok van d´ Leer trecken, of un waarto dat nödig is. Wenn een van Jo daar wat mehr van versteiht, kunn uns dat allen togood komen.
Nu hett uns Doc, Hans-Hermann Briese, mi beden, Jo noch maal drup upmarksaam to maken, dat dat vöörsehn Lesen in d´ Plattdüütsmaant ok utfallen deit. Dat harr, wenn ik mi recht besinn, an de 08. Sept. in de Rummel van dat Oll Raadhuus wesen sullt.
Corona hett uns noch in d´ Greep.
Ik wünsk Jo noch ´n mooi Sömmertied un blievt mi all sund. Ik hoop, dat ik dat ok kann, ik do daaran, wat ik kann.
Jo Adolf Sanders
Keine Kommentare:
Kommentar veröffentlichen