Platt-Klöön-Avend in Leez van Oostfreeske Taal

Leev Plattfrünnen,
deit mi spieten, dat ik de vöörsehn Klöön-Avend token Freedag, de 05.04.2024 ofseggen mutt. De Heemaatvereen Nörderland i.V. hett jüst an de Avend sien Jahreshooftvergadern 2024 ansett, an de wi all, wi van de Plattdüütsklottje van disse Vereen, deelnehmen mutten.

Wi bemöten uns dann eerst weer an Freedag, de 03. Mai - Klock 19 Ühr, in Leez. Dat Rebett, wat wi denn ofackern willen, is "Oostfreeske Bargen un anner Höchtematen - natürelken un van Minsken maakten", dat is denn weer (hopentlik) in de Boo achter de Möhlen.

Verhaalt Jo düchtig, dat Ji denn weer friske Mitmaak-Kracht hebben. Daarto kummt denn weer een neei Nögen.

Ik bün noch beden worden, de Themen, de wi anners noch in dit Jahr fastsett hebben, Jo all to Kennen to geven, umdat Ji Jo daarup vöörbereiden könen:

Freedag, 07.06. - 19h Handwark in d´ Wannel

Freedag, 05.07. - 19h Scholen un Mesters in Oostfreesland

Freedag, 02.08. - 19h Kriegstieden in Oostfreesland

Freedag, 06.09. - fallt ut, daar is de Jahrsfahrt van uns Heemaatvereen na Hirschberg

Freedag, 04.10. - 19h Wiesmoor

Freedag, 01.11. - 19h Wilhelmine Siefkes un hör Wark

Freedag, 06.12. - 19h Wat wi as Kinner spöölt hebben

Mit hartelke Gröten
Jo Adolf Sanders