Sünnerklaasdag is de Dag up de sük de
Kinner överall in Ostfreesland freien. Verkört hör doch de goode
Mann ant Vöravend van de 6. Dezember mit söte Schlickereen de
Wachteree up dat Wiehnachtsfest. In Leez leet he sük anners
elke Johr an`d Möhln sehn, schmeet de Kinner Mocken van`d Galerie
andaal un fohr achteraan mit Peerd un Wagen een Runn dört Dörp bit
na`d Leezdörper Hof.
Dor gav dat smalls Kakao för de Kinner un Knobelee. Dat kunn abers vandag all neet angahn un was dorum düchdig spieelk. Man wenn all de Kinner neet na´d Sünnerklaas hen dürsen, sull de doch tominste na de Kinner henkommen könn`n. Disse Gedanke brochte Markus Windt up de Idee, vandag Sünnerklaas mit een Fohrtüüg van`d Füürwehr dör dat Dörp kutscheern to laten. 220 Kinner harrn dorför hör Nam un Straat upn lütjen Zetel in een Box bi Edeka inschmäten. All disse Kinner het Sünnerklaas blied maakt, he muss mehr as hunnert Husen anfohrn laten. Bi dat Organiseern van disse Tour hett Markus Windt Hülp hat van sien Läbensgefährtin Anke. Tosamen hemm se de Fohrstreck för´d Sünnerklaas utklabüstert un dorför sörgt, dat all Kinner wat kregen hem.
Dor gav dat smalls Kakao för de Kinner un Knobelee. Dat kunn abers vandag all neet angahn un was dorum düchdig spieelk. Man wenn all de Kinner neet na´d Sünnerklaas hen dürsen, sull de doch tominste na de Kinner henkommen könn`n. Disse Gedanke brochte Markus Windt up de Idee, vandag Sünnerklaas mit een Fohrtüüg van`d Füürwehr dör dat Dörp kutscheern to laten. 220 Kinner harrn dorför hör Nam un Straat upn lütjen Zetel in een Box bi Edeka inschmäten. All disse Kinner het Sünnerklaas blied maakt, he muss mehr as hunnert Husen anfohrn laten. Bi dat Organiseern van disse Tour hett Markus Windt Hülp hat van sien Läbensgefährtin Anke. Tosamen hemm se de Fohrstreck för´d Sünnerklaas utklabüstert un dorför sörgt, dat all Kinner wat kregen hem.
Moi schmückt kwam de Leezder "Tragkraftspritzen-Fohrtüüg" um Eck to.
Een Fernseh-Team was ok dorbi.
Klock veer snamiddags gung dat los.
Sünnerklaas an sien erste Halt bi`d Kark.
Gliek dree Kinner up eenmal kunn
Sünnerklaas an disse Dör blied maken.
Sünnerklaas was bit laat avends unnerwegens um all de blitzblanke Stäfels to füllen, de hum de Kinner butendör stellt harrn. Na disse besünnert Fohrt was de oll Blood ok schkoonoff, uplesd he doch sien Knecht missen muss. Um kört na halv elf Ür har he sien Sack för Leezder Kinner löss. Of he dat naderhand noch drock harr, dat wull Sünnerklaas uns neet vertelln.
Sien Rute un de Pütje mit Solt muss
Sünnerklaas neet rutholln; bister Snösels sünd hum in Leez neet
tomöt kamen. He het bloot leev un blied Kinner antruffen.
Hulpen worn is Füürwehr van Elektro Freese, Fohrtüüghus Metz, Bank, Edeka, Imkerladen, Dörp-Arge, Kultur-Forum un Gemeend.
Wi van´d Leezdörp Blog sünd hen un wech un bedanken uns van Harten bi Markus Windt un Füürwehr, Sünnerklaas un all Helpslü för de vööl Arbeid un disse wunnebare Aktion.
Keine Kommentare:
Kommentar veröffentlichen