Uns Klönabend in Leezdörp

Leev Plattdüütsfrünnen,
Corona hett uns düchtig in d´Kneejen drückt. Nu geiht dat up de Kerstdagen an, un wi könen noch neet maal seggen, wo dat wiedergahn sall. In Janewaar un Feverwaar kann dat noch nix worden, dat wi maal weer tosamenkomen könen. Man dat Jahr sall neet so heel sünner Gröten Offscheed nehmen. Ik hoop, Ji all bünt sowied good drup un hebben de mall Coronatied bit nu good overstahn, so is dat ok mien Fro un mi gahn.

Nu komen ja de eerst Striepen an d´ Kimm, dat mit de Impfstoff de Spuuk woll bold maal ´n Enn finnen deit, ok wenn wi over dit Jahres-enn uns noch maal weer torügghollen mutten. Ik wünsk Hör all mitnanner een besinnelk un segend Wiehnachts-Tied un een – so good as dat geiht – mooi Begünn van dat Jahr 2021.
Vör alls, blieven Se sund – un bit up een blied Weersehn in dat token Jahr,

Jo Adolf Sanders