Platt-Klöön-Avend

Leev Plattfrünnen,

wi komen an de token Freedag, de 07. Märt 2025 um Klock 19 Ühr (hento sowat 21 Ühr) weer binanner to ´n Platt-Klöön-Avend in de Boo achter de Leezder Möhlen. Se all bünt van Harten nöögd, daaran deeltonehmen. Dat geiht ditmaal um "Johann Friedrich Dirks un sien Wark". De Schriever is in Emden upwussen un hett daar ok vööl Jahren leevt. He hett wunnerbaar Vertellsels un Gedichten - meest in Platt - upschreven, van de wi eenigen vördragen willen, man ok Se bünt fraagt, wenn Se welken hebben un vörbrengen willen. De Saken bünt alltied mit ´n fien Humor upschreven, ok wenn dat maal um eernste Inhalten geiht. Ok een Theaterstück hett he to Papier brocht, dat vör ´n paar Jahr maal van de Emder Bühn up de Breden spöölt worden is, de "de Werelt bedüden".
Mennig van sien Gedichten bünt ok mit ´n Melodie versehn worden, man vörsingen kann ik Hör de neet, man viellicht hebben wi well bi uns, de ´n Instrument mitbrengt un uns dat so in d´ Ohr dracht.
So as alltied köst de Avend nix, wi gadern blot en lüttje Spend in för de Heemaatvereen Leezdörp, de uns elksmaal so mooi versörgen deit.

Hör Adolf Sanders un de Plattdüütskring van de Heemaatvereen Nörderland