Platt-Klön-Avend

Leev Lü,

´t is al weer so wied, een neei Maant steiht an un so ok een neei Platt-Klön-Avend.
Dat sall wesen Freedag, de 2. Nov. 2018 – Klock 19,oo h (hento 21 h) in de Teeköken van de Leezder Möhlen. As Rebett is vöörsehn: “Lüttje will Veerbeeners (Suugdeeren)”. Dat geiht um Fleddermusen, Spiekermusen, Mullen, Swienegels, Wissels, Ülken, Hermanntjes, Kattekers, Musen, Rötten, Bisams, Nutrias, usw. bit hen to d´ Vossen.

Mi geiht dat neet so düchtig um de Biologie van de Deeren, man mehr darum, wo se in uns Plattdüüts inbunnen bünt, wat uns Schrievers darto seggen (Seggwoorden, Sagen, Märkens, Gedichten etc.) un wat elk un een van Jo mit suckse Deeren beleevt hett. 
Brengt good Luun mit,
hento Freedag,

Jo Adolf Sanders